Inserta unu marcadore
Pro insertare unu marcadore de positzione:
1. Seletziona su traste Pone marcadore in sa barra de sos menùs in artu a destra.
2. S'at a bìdere sa libreria de sos marcadores. Sèbera e faghe clic subra unu marcadore dae sa libreria.
3. Su puntadore a fritza de su mouse s'at a mudare in su marcadore seletzionadu. Una casella bianca de rotatzione s'at a bìdere in artu a manca.
Pro impostare sa rotatzione de su marcadore:
1. Mòve su mouse subra sa casella de rotatzione
2. Faghe clic e traga su chircu nieddu a inghìriu de su chircu grisu segundu sas netzessidades tuas
4. A pustis de àere impostadu sa diretzione de su marcadore, mòve su puntadore a sa positzione disigiada in sa mapa e faghe clic una borta pro pònnere su marcadore. S'at a abèrrere una bentana de diàlogu.
5. Inserta sos datos in sos campos o lassa-los bòidos. Faghe clic subra Sarva cando as finidu.
Mòve unu marcadore
Pro mòvere unu marcadore:
1. Seletziona su traste Modìfica sos livellos de subrapositzione dae sa barra de sos menùs in artu a manca.
2. Faghe clic e traga su marcadore a sa positzione disigiada.
Cantzella unu marcadore
Pro cantzellare unu marcadore:
1. Seletziona su traste Gomma dae sa barra de sos menùs in artu.
2. Faghe clic una borta subra su marcadore de cantzellare.
