Est fàtzile meda a pònnere testu in Scribble Maps. Custu traste cunsentit de aplicare testu descritivu e fintzas còdighe a una casella de testu. Sa casella de testu podet èssere personalizada pro inclùdere testu, unu vìdeu de YouTube, un'immàgine o una trassa de SoundCloud.
1. Dae sa barra de sos menùs in artu in sa pàgina printzipale de sa mapa tua, seletziona su traste Pone testu chi s'agatat in sa banda destra de su menù in artu.
2. Faghe clic in sa positzione in ue boles insertare su testu. S'at a abèrrere una bentana de diàlogu. Digita unu tìtulu e/o una descritzione.
Optziones additzionales pro sa casella de testu
Sa casella de testu frunit fintzas optziones additzionales pro sa programmatzione, su positzionamentu e sa formatatzione.
Vìdeu de YouTube
Pro insertare unu vìdeu de YouTube:
1. Seletziona s'icona de YouTube dae su menù de sas iconas a destra de sa casella.
2. Digita s'indiritzu de YouTube de su vìdeu de insertare.
3. Su shortcode s'at a bìdere in sa setzione Descritzione. Sa larghesa e s'artària podent èssere modificadas. Seletziona Sarva cando as finidu.
4. Su vìdeu de YouTube s'at a bìdere in sa mapa.
5. Si boles cambiare sa mannària de su vìdeu O modìficare su ligàmene de su vìdeu, seletziona su traste Modìfica sos livellos de subrapositzione dae sa barra de sos menùs in artu.
6. Sa casella de testu s'at a torrare a bìdere. Podes:
- cambiare sa mannària de su vìdeu digitende a manu sas ispetzìficas de larghesa e artària.
- modìficare diretamente su ligàmene de su vìdeu.
Si b'at bisòngiu de fàghere una modìfica, cantzella su cuntentu de sa casella Descritzione e repite su protzessu.
Immàgine
Pro insertare un'immàgine in sa casella de testu:
1. Seletziona s'icona de s'immàgine in artu a destra de sa casella de testu.
2. Inserta s'URL de s'immàgine in sa bentana de diàlogu chi s'aberit.
3. S'immàgine a mannària intrea s'at a bìdere in s'isfundu impare a sa casella de testu e a sos shortcodes. Sa larghesa e s'artària podent èssere modificadas diretamente in sa setzione Descritzione.
NOTA: Pro cambiare sa mannària de s'immàgine mantenende sas proportziones originales, inserta unu balore pro sa larghesa O pro s'artària e lassa s'àteru campu bòidu.
Latitùdine e longitùdine
Sa latitùdine e sa longitùdine podent èssere impostadas a manu. Sas positziones pretzisas podent èssere digitadas diretamente in sos campos o aumentadas/menguadas de unu passu a sa borta cun sos pulsantes a fritza a destra de sa coordinada.
Modìfica avantzada
Sas optziones de modìfica e formatatzione avantzada podent èssere atzèdidas faghende clic subra su ligàmene Modìfica avantzada in fundu a sa bentana de diàlogu. S'ant a bìdere sas optziones avantzadas pro controllare sa formatatzione de sa descritzione. Un'editore WYSIWYG s'at a bìdere suta de sa casella Descritzione.
In sa riga de sos pulsantes chi s'ammustrat, custos trastes e custas funtziones sunt disponìbiles pro sa modìfica:
- font
- font size
- font color
- bold
- italic
- underline
- insert bullet points
- insert numerical list
- view source code
- left justify
- center justify
- right justify
Torra a sa modalidade de Modìfica sèmplitze
Pro torrare a sa modalidade de Modìfica sèmplitze dae sa de Modìfica avantzada, seletziona Modìfica sèmplitze dae fundu a sa casella de sos trastes de testu.
Formatata/modìfica su testu
Pro formatare/modìficare su testu debes:
1. Seletzionare su pulsante Modìfica sos livellos de subrapositzione.
2. Fàghere clic una borta subra sa casella de testu de modìficare. S'at a abèrrere una pre-visualizatzione de sa casella de testu.
3. Fàghere clic una borta subra s'icona de su lapis pro intrare in sa modalidade de modìfica sèmplitze.
4. Digitare su testu disigiadu in s'àrea Descritzione o evidentziare su testu de cambiare.
5. Fàghere clic una borta subra su traste de formatatzione de interèssiu; e
6. fàghere clic subra Sarva.
Mòve su testu
Pro mòvere su testu dae una positzione a un'àtera in sa mapa:
1. Seletziona su pulsante Modìfica sos livellos de subrapositzione.
2. Mòve sa casella in unu de custos duos modos:
- faghe clic e traga sa casella de testu a sa positzione disigiada.
- faghe clic una borta pro fàghere aparèssere s'editore de testu e digita a manu sas coordinadas pretzisas in sa setzione latitùdine/longitùdine.
Cantzella su testu
Pro cantzellare su testu:
1. Seletziona su pulsante Gomma dae su menù in artu.
2. Faghe clic una borta subra sa casella de testu chi boles cantzellare.
